… سيسوقها
وإذا البشائر لم تحِن أوقاتها
فلِحكمةٍ عند الإله تأخرتْ
سيسوقها في حينها فاصبرلها
حتى وإن ضاقت عليك وأقفرتْ
وغداً سيجري دمع عينك فرحةً
وترى السحائب بالأماني أمطرت
وترى ظروف الأمس صارت بلسما
وهي التي أعيتْك حين تعسّرتْ
وتقولُ سبحان الذي رفع البلا
مِن بعد أن فُقد الرجاء تيسرتْ
ഹൃദയം കുളിര്‍പ്പിക്കുന്ന വാര്‍ത്തകള്‍
നമ്മളില്‍ നിന്ന് സ്വയം മാറിനില്‍ക്കുകയല്ല;
ഇലാഹിനു മാത്രമറിയാവുന്ന കാരണങ്ങളാല്‍ വരാന്‍
വൈകുകയാണ്
പ്രയാസമുണ്ടെന്നറിയാം
ഒറ്റപ്പെടലും; ക്ഷമിക്കുക
സമയമാകുമ്പോള്‍ അവനവയെ നിന്നിലേക്ക്
തെളിച്ചു കൊണ്ടുവരുകതന്നെ ചെയ്യും
അന്ന് നിന്‍റെ കണ്ണിണകളില്‍
ആനന്ദത്തിന്‍റെ നീര്‍ച്ചാലുകളൊഴുകും
അന്ന് നിന്‍റെ അഭിലാഷങ്ങളുടെ മഴമേഘങ്ങള്‍
തിമര്‍ത്തുപെയ്യും
ഇന്നെലെകളില്‍ പ്രയാസങ്ങളാല്‍
നിന്നെ തളര്‍ത്തിയ
ജീവിത സാഹചര്യങ്ങള്‍
ഒരിക്കലൊരൗഷധമായി നിനക്കനുഭവപ്പെടും!
അന്നു നീ പറയും:
പരിശുദ്ധനാണവന്‍!
പ്രതീക്ഷകള്‍ നഷ്ടപ്പെട്ടുകൊണ്ടിരിക്കെ
പ്രയാസങ്ങള്‍ നീക്കി ജീവിത സൗകര്യങ്ങളേകിയവന്‍!
ആശയവിവര്‍ത്തനം: കബീര്‍ എം. പറളി
Source: nermozhi.com
